اسلام آباد ۔ 20 اپریل (اے پی پی) وزیراعظم دے مشیر خارجہ سرتاج عزیز آکھیا ہے جوڈاکٹر عافیہ صدیقی دی رہائی سانگے سفارتی کوششاں کیتیاں ویندیاں پیاں ہن۔خمیس کوں ایوان بالا اچ سوالاں دے وقفے دے دوران سینیٹر چوہدری تنویر خان اتے بئے ارکاناں دے سوال دے جواب اچ انہاں آکھیا جو پاکستان دا امریکا دے نال مجرماں دے تبادلہ دا معاہدہ موجود ہے۔ انہاں آکھیا جو جیویں ہی سفارت خانے کوںکہیں پاکستانی شہری دی حراست دی اطلاع ڈتی ویندی ہے ، فوری طور تے قونصلر دی سطح تے رسائی سانگے رجوع کیتا ویندا ہے ۔ انہاں آکھیا جو عافیہ صدیقی کوں قونصلر دی سطح تے رسائی سانگے اقدامات کیتے ویندے پے ہن ۔ متعلقہ امریکی حکام انہاں لوکاں کوں وی وکیل صفائی ڈیندے ہن جیں دے مقدمے زیر سماعت ہم۔ اگر پاکستانی مشن توں وی درخواست کیتی ونجے تاں او ممکنہ قنونی مدد فراہم کریندا ہے
