اسلام آباد ۔ 27 اپریل (اے پی پی) مسلم لیگ (ن) دے رہنما دانیال عزیز دا آکھنڑ ہے جو عمران خان 10 ارب روپے دی پیشکش تے بیوقوفیں وانگوں کوڑ ماریا ہے ،انہاں کوں اے پیشکش کرنڑ آلے دا ناں ڈساونڑاں ہوسی ، او جہانگیر ترین اپنڑے خلاف لگے الزامات دے حوالے نال ثبو پیش نی کریندے پے ۔ خمیس کوں الیکشن کمیشن دے باہروں میڈیا نال گالھ مہاڑکرنڑ دے نال نال عمران خان دے سارے الزامات ہک ہک کرتے کوڑ ثابت تھے ہن ۔انہاں آکھیا جو ایندے توں پہلے عمران خان گھوڑا ہسپتال ،35پنجر اتے انتخابات اچ دھاندلی جیہوجے الزامات لا گھدے ہن ۔اتے مذکورہ الزام دے بعد ایندا اعتراف وی کر چکیے ہن ۔تے مذکورہ الزاماں دے بعد ایں گالھ کوں من گھدا ہے جو اے سیاسی بیان ہئی ۔ دانیال عزیز آکھیا جوعمران خان ہنڑمسلم لیگ (ن) تے 10 ارب روپے دی پیشکش دے کوڑے الزام بدلیندا پیا ہے ۔اینکوں سامنڑے آونڑاں ہوسی تے پیشکش کرنڑ آلے بندے دا ناں قوم کوں ڈساونڑاں ہوسی ۔انہاں آکھیا جو عمران خان تے جہانگیر ترین اپنڑے اتے لگے الزام دے ثبوت پیش نی کریندے پے تے لکنڑ دی کوشش کریندے پن اساں انہاں کوں پکڑ ،پکڑ تے سپریم کورٹ گھن آئوسوں ،دانیا ل عزیز آکھیا جو انہاںکوں قوم نا ل بولیے گے کوڑ تے معافی منگڑیں ہوسی ۔
