غذائی گھٹکی دے مسئلے دے ازالے سانگے اقدامات کیتے ویندے پے ین ،وزیر مملکت سائزہ افضل تارڑ دا ایوان بالا اچ جواب

اسلام آباد ۔12 اپریل(اے پی پی) وزیر مملکت نیشنل ہیلتھ سروسز ریگولیشنز و کوآرڈینیشن سائرہ افضل تارڑ آکھیا ہے جو غذائی گھٹکی دے مسئلے دے ازالے سانگے اقدامات کیتے ویندے پے ہن ۔ بدھ کوں ایوان بالا اچ سوالاں دے وقفے دے دوران سینیٹر اعظم سواتی اتے بئے ارکان دے سوال دے جواب اچ انہاں آکھیا جو انٹرنیشنل فوڈ پالیسی ریسرچ انسٹیٹیوٹ دے مطابق 2010اچ پاکستان دی خوراک دی گھٹکی توں متاثرہ آباد ی 25 فیصد ہئی جیرھی جو 2015اچ حکومتی کوششاں پاروں گھٹ تھی تے22 فیصد تھی گی ہے۔ انہاں آکھیا جو ایں ویلھے وفاقی علاقہ جات اچ غذائی قلت دے مسئلے د ے ازالے سانگے وفاقی حکومت ولوںکوئی براہ راست فنڈز کائنی ڈتے ویندے پن تاں جو غذائی گھٹکی دیاں ضرورتاں کوں پورا کرںڑ سانگے نیوٹریشن پی سی ون تے کم تھیندا پئے ۔