موجود ہ دور حکومت اچ تعلیمی اصلاحات سانگے کم کیتا گیا ہے،داخلے دا طریقہ کار سوکھا بنڑایا گیا ہے ،سکولاں دے باہر 35فیصد چھوہریں تے 64فیصد چھوہر کوں سکول اچ گھن آیا گیا ہے تے ٹرانسپورٹ سسٹم وضع کیتا گیا ہے
اسلام آباد ۔14 اپریل(اے پی پی) قومی اسمبلی کوں ڈسیا گیا جو موجود ہ دور حکومت اچ تعلیمی اصلاحات سانگے کم کیتا گیا ہے،داخلے دا طریقہ کار سوکھا بنڑایا گیا ہے ،سکولاں دے باہر 35فیصد چھوہریں تے 64فیصد چھوہر کوں سکول اچ گھن آیا گیا ہے تے ٹرانسپورٹ سسٹم وضع کیتا گیا ہے ۔جمعے کوں قومی اسمبلی اچ سوالاں دے وقفے دے دوران عائشہ سید دے سوال دے جواب اچ پارلیمانی سیکر ٹری کیڈ مائزہ حمید آکھیا جو موجودہ دور حکومت اچ تعلیمی اصلاحات سانگے کم کیتا ہے ۔سکولاں دے باہر 35فیصد چھوہریں تے 64فیصد چھوہر کوں سکول اچ گھن آیا گیا ہے۔بالاں دی سہولت سانگے ٹرانسپورٹ سسٹم وضع کیتا گیا ہے ۔وزیر مملکت تعلیم تے تربیت بلیغ الرحمن آکھیا جو سکول دے باہروں بالاں دی تعداد گزریل سال اچ تیزی توں گھٹ تھی ۔2012-13اچ آزاد جموں تے کشمیر اچ 7فیصد گھٹکی تاں جو بد قسمتی نال سندھ اچ صفر فیصد گھٹکی آئی ہے ۔ پنجاب اچ 23 فیصد’ خیبر پختونخوا اچ 10 فیصد’ آزاد جموں تے کشمیر اچ 7 فیصد گھٹکی ہے تاں جو بدقسمتی نال سندھ اچ صفر فیصد گھٹکی تھی ہے جیرھی جو تشویشناک گالھ ہے ۔ وزیراعظم تعلیمی اصلاحات پروگرام دے تحت 200 سکولاں دا انفراسٹرکچرچنگاں بنڑایا ویندا پیا ہے ۔ انہاں اچ تعلیمی معیار اتے مقدار اچ چنگائی لاتی ویندی پئی ہے ۔ 2017اچ وفاقی دارالحکومت اچ سارے انفراسٹرکچر بنڑا ڈیسوں۔ اسلام آباد اچ گورنمنٹ سکولاں دے بالاں سانگے 200 بسیں ڈتیاں گیاں ہن ۔ سکولاں اچ ساریں کوں داخل کیتا ویند ا پیا ہے ۔
