لاہور۔5 اپریل (اے پی پی ) صوبائی دارالحکومت لاہور دے علاقہ بیدیاں روڈ تے مردم شماری دے عملے کوں گھن تے ونجنڑ آلی ہائی ایس وین اچ زوردار دھماکہ،5بندے شہید،19زخمی تھی گئے ،دھماکہ اتنا شدید ہئی جو نیڑے دی عمارتاں دے شیشے وی ترٹ گئے ،دھماکے دے عبد امدادی ٹیماں موقع تے پج گئی اتے امدادی کاروائیاں کریندیں ہوئیں 9زخمیاں کوں جنرل ہسپتال جڈانجو 7کوں سی ایم ایچ متقل کر ڈتا گئے ،دھماکے دے بعد لاہور سمیت بئے ہسپتالاں اچ ایمرجنسی لا ڈتی گئی اے،جنرل ہسپتال اچ آندے گئے زخمیاں اچ ڈو دی حالت تشویشناک جڈانجو ست بندے خطرے توں باہر ڈسائی ویندی اے ۔دہشت گرد سانحہ دے بعد سکیورٹی اداریاں حادثے دی جاہ کوں سیل کر تے اتھوں شواہد کٹھے کر گھدے جڈانجو حادثہ دے نیڑے دی دکاناں کوں وی بند رکھنڑ دی ہدایت کیتی گئی اے تانجو حادثے دے سارے شواہد کٹھے کیتے ونج سگن۔
