مسلم لیگ ن دی حکومت ملک کوں بحراناں توں کڈھ تے ترقی دے رستے تے ٹور ڈتا ہے ،ڈپٹی سپیکر قومی اسمبلی

ایبٹ آباد۔ 10 اپریل (اے پی پی) ڈپٹی سپیکر قومی اسمبلی مرتضیٰ جاوید عباسی آکھیا ہے جو مسلم لیگ ن دی حکومت ملک کوں بحراناں توں کڈھ تے ترقی دے رستے تے ٹور ڈتا ہے،کجھ سیاستداناں اتے جماعتاں عوام کوں گمراہ کریندیاں پیاں ہن جیرھے لوکاں اپنڑے دور اقتدار اچ اپنڑے صوبے اچ ترقی نی کر سگیے او ترقی دے رستے اچ روڑے اٹکیندے پئے ہن ۔او گزریل ڈینھ این اے 18دے مختلف دورے دے موقع تے مقامی لوکاں نال گالھ مہاڑ کریندے پے ہن ۔انہاںآکھیا جو انہاںدے حلقے اچ ریکارڈ ترقی دے کم شروع ہن ،جیرھے علاقیں کوںگیس دی فراہمی دے اعلان کیتے گے ہن انہاں علاقیں اچ گیس دی فراہمی دا کم شروع تھی گیا ہے ،وزیراعظم حلقہ این اے 18دے عوام نال اپنڑے پیار دا اظہار کر ڈتا ہے ۔مرتضی جاوید عباسی آکھیا جو اساں الیکشن اچ جیرھے وعدے کیتے ہن اے سارے وعدے پورے کریسوں ۔انہاں آکھیا جو سارے علاقیں اچ بنیادی عوامی ضرورتاں کوںپور ا کرنڑ مسلم لیگ ن دا منشور ہے ۔