اسلام آباد۔ 21 اپریل (اے پی پی) وزیر مملکت برائے اطلاعات نشریات و قومی ورثہ مریم اورنگزیب آکھیا جو وزیراعظم محمد نواز شریف توں استعفیٰ منگنڑ آلے سوچ گھنن جو سپریم کورٹ انہاں دی استدعا رد کر ڈتین ،سپیرم کورٹ ولوں بنڑائی ونجنڑ آلی جے آئی ٹی کوں مسترد کرنڑ آلیء سیاسی جماعتاں توہین عدالت کریندی پئین ،عوامی خدمت ملک کوں ترقی اتے خوشحالی دے رستے تے ٹورنڑ اقتصادی ترقی جیہے عالمی اداریاں دے غیر جانبدارانہ سروے اچ مسلم لیگ ن پاکستان دی مقبول ترین سیاسی جماعت بنڑ گئی اے۔وزیراعظم محمد نواز شریف دے سرخرور تھیونڑ تے پاکستان مسلم لیگ ن دے کارکن اتے عوام جشن منیندے پئن ۔ہنڑ اگر مگر ختم تھیونڑی چاہیدی اے ،ساری سیاسی جماعتاں کوں کٹھے تھی ہراہیں انتشار دی گالھ کوں مکاونڑاں پمسی نتاں مردان سیالکوٹ جیہے واقعے تھیندے رہسن۔سی پیک وزیراعظم ولوں محمد نواز شریف ولوں خطے صنعتاں دے ودھارے دا حصہ اے ۔ون روڈ ون بیلٹ دے تحت سی پیک دا منصوبہ گوادر اچ 65ملکاں اچ رابطے دا ذریعہ بنڑ گئے ۔سی پیک منصوبہ پاکستان دی آونڑ آلی نسلاں خطے اتے کئی ترقی یافتہ ملکاں سانگے وزیراعظم محمد نواز شریف ولوں تحفہ اے۔سپریم کورٹ ولوں بنڑائی ونجنڑ آلی جوائنٹ انوسٹی گیشن ٹیم (جے آئی ٹی ) دے سوالاں دا جواب ڈتا ویسی اتے وزیراعظم ہک بئیا پراسیس پورا کریندیں ہوئیں جے آئی ٹی دے سامنڑے وی انشاء اللہ سرخروتھیسن۔او جمعہ کوں ستویں پاکستان فرنیچر نمائش دی افتتاحی تقریب نال خطاب اتے صحافیاں نال گالھ مہاڑ کریندیں پئی ہن ۔
