وزارتاں دے اعلیٰ افسر سوالاں دے درست اتے ویلھے نال جواب ڈیون نتاں انہاں دے خلاف سخت کاروائی کیتی ویسی ،چیئر مین سینیٹ

اسلام آباد ۔14 اپریل(اے پی پی) چیئرمین سینیٹ میاں رضا ربانی مختلف وزااتوںدے اعلیٰ افسراں کوں حتمی طورتے خبردارکیتا ہے جو او سوالاں دے وقفے دے دوران ارکان ولوں پچھے گے سوال دے درست تے ویلھے نال جواب ڈیون نتاں انہاں دے خلاف سخت کاروائی تھیسی ۔ جمعے کوں ایوان بالا دے اجلاس اچ چیئرمین سینیٹ متعلقہ وزیراں دی عدم موجودگی تے اجلاس 35 منٹ تئیں ملتوی کرڈتا ۔ ولا اجلاس شروع تھیا تاں چیئرمین آکھیا جو او واضح کرنڑ چاہندے ہن جو سیکرٹریٹ متعلقہ سیکرٹریاں کوں اے پیغام ڈے ڈیوے جو ساریاں وزارتاں دے سیکر ٹریاں ‘ ایڈیشنل اتے جوائنٹ سیکرٹریاں کوں فائنل نوٹس ایشو کیتے ویندے پے ہن اگر ایوان دی کاروائی کوں سنجیدہ نہ گھدا سوالاں دے وقفے دے دوران درست تے وختی جواب نہ ڈتے گے تاں انہاں دے خلاف سخت کاروائی تھیسی اے انہاں سانگے حتمی وارننگ ہے ۔