اسلام آباد ۔ 24 اپریل (اے پی پی) وزیراعظم دے مشیر برائے امور خارجہ سرتاج عزیزآکھے جو پاکستان اتے مالدیپ وچال سیاحت، تعلیم، ثقافت، اتے کھیڈاں دے شعبیاں اچ تعاون دے وڈے امکان موجود ہن ۔ پاکستان مالدیپ دے طلباءکوں ترقیاتی موقعے تے تربیت جاری رکھیسی ۔ سنوار کوں اتھاں مالدیپ دے وزیر خارجہ ڈاکٹر محمد عاصم نال ملاقات اچ گالھ مہاڑ کریندے ہوئیں انہاںآکھیا جو ڈوہائیں ملکاں وچال خاص طور تے تعلیم اتے ثقافت دے شعبے اچ تعاون نال ڈو طرفہ گانڈھا بیا مستحکم تھیسی ۔ مالدیپ دے وزیر خارجہ جیہڑے جو پاکستان دے چار ڈینھ دے سرکاری دورے تے اتھاں آئے ہوئے ہن ، نال گالھ مہاڑ کریندے ہوئیں وزیراعظم دے مشیر آکھیا جو ڈوہائیں ملکاں وچال خوشگوار تعلقات ہن جیہڑے جو آپسی احترام اتے سانجھے مفاددی بنیاد اُتے قائم ہن ۔ ڈوہائیں ملکاں ڈو طرفہ گانڈھے اُتے تسلی دا اظہار کیتے ۔ ملاقات دے دوران علاقائی صورتحال اتے سارک دے امور بارے وی گالھ مہاڑ کیتی گئی ۔ مالدیپ دے وزیر خارجہ مختلف موقعاں تے آپنڑیں ملک اتے لوکیں دی مدد کرنڑ اُتے پاکستان دی حکومت دی تعریف کیتی۔
