اسلام آباد ۔ 24 اپریل (اے پی پی) دفتر خارجہ ایں گالھ دی سختی نال تردید کیتی ہے جو وزیراعظم دے معاون خصوصی خارجہ امور طارق فاطمی ملک چھوڑ چکیے ہن۔ دفتر خارجہ داآکھنڑ ہے جو وزیراعظم دے معاون خصوصی خارجہ امور طارق فاطمی دے خلاف ہک بے بنیاد خبر گردش کریندی پئی ہے جو او ملک چھوڑ گے ہن ۔دفتر خارجہ ایں گالھ دی سختی نال تردید کریندے ہوئیں آکھیا ہے جو او وزارت خارجہ اچ موجود ہن تے اپنڑے فرائض سر انجام ڈیندے پن ۔ہک ٹی وی چینل دے اینکر ولوں اے غیر ذمہ دارانہ تے بد نیتی تے مبنی الزام طارق فاطمی تے وزارت تے سنگین حملہ ہے ۔ وزارت پروپیگنڈے اچ ملوث لوکاں دے خلاف قانونی چارہ جوئی دا حق رکھیندی ہے۔
