اسلام آباد ۔ 14 اپریل (اے پی پی)وزیراعظم دے معاون خصوصی برائے امور خارجہ سید طارق فاطمی آکھیا جو پاکستان ڈوجھے ملکاں دے معاملیاں اچ مداخلت نہ کرنڑ دی پالیسی تے عمل کریندا پئے ،بھارت نال کشمیر سمیت سارے مسئلیاں دے حل سانگے بامقصد اتے غیر مشروط مذاکرات چاہندوں،وزیراعظم محمد نواز شریف ہر اہم عالمی فورم تے مسئلہ کشمیر کوںبھرپور طریقے نال اجاگر کریندے پئن تانجو کشمیریاں کوں انہاں دا بنیادی حق حق خودارادیت مل سگے۔چین پاکستان اچ سرمایہ کاری سمیت کئی شعبیاں اچ پاکستان دی رہنمائی وی کریندا پئے جئیں نال آونڑ آلے کجھ سالیں وچ اتھاں نشابر تبدیلی امسی اتے ملک بئی ترقی کریسی۔اے گالھیں انہاں نجی ٹی وی چینل نال گالھ مہاڑ کریندیں ہوئیںا کھی۔بھارتی جاسوس کلبھوشن یادیو دا تھوں پکڑے ونجنڑ اتے اوندا بھارتی نیوی اچ حاضر ڈیوٹی ہوونڑ نال آپنڑے جرم دا اعتراف کرنڑ بھارتی مکروہ چہرے کوں بے نقاب کرنڑ سانگے کافی اے۔
