بھکھی (شیخوپورہ) ۔ 19 اپریل (اے پی پی)وزیراعظم محمد نوازشریف پاکستان کوں اندھاریاں توں کڈھنڑ،ترقی تے خوشحالی دی منزل طے کرنڑ اتے اقوام عالم اچ باعزت مقام ڈواونڑ دے عزم دا اعادہ کریندیں ہوئیں آکھیا جو پاکستان کوں اندھاریاں اچ سٹنڑ آلے اتے لوڈشیڈنگ دی ذمہ وار اج احتجاج دی دھمکیاں ڈیندے پئن اتے انہاںدا بجیا اج اساں کٹیندے پئیوں ،اندھاریاں اچ سٹنڑ آلیاں توں سوال تھیونڑاں چاہیدے،ڈوجھے پاسوں سیاسی نوارد دبا کراہیں کوڑ مریندین۔دھرنے ڈیندن اتے بے بنیاد الزام لیندن جڈانجو الیکشن ہر ویندن،اجوکی حکومت ملک کوں دہشت گردی ،انتہاپسندی ،توانائی دی گھٹکی سمیت بئے چیلنجاں نال لڑدی پئی اے اتے پاکستان مشکلاں توں نکلدا پئے ،جون2018ء تئیں تقریباً 10ہزار میگاواٹ بجلی نظام اچ رل ویسی،اساڈی نظر 2018تے نی جڈانجو آندے 25سال دی ترقی تے مرکوز اے۔انہاں اے گالھ بدھ کوں شیخوپورہ دے نیڑے ایل این جی تے چلنڑ آلے 1180میگاواٹ تے بھکھی پاورپلانٹ دی افتتاحی تقریب توں خطاب کریندیںہوئیں آکھی۔ تقریب اچ پنجاب دے گورنر رفیق رجوانہ، وزیراعلی شہباز شریف، وفاقی وزیرپانڑی تے بجلی خواجہ محمد آصف، وزیر پٹرولیم و قدرتی وسائل شاہد خاقان عباسی، چینی سفیر سن وی ڈونگ، سفارتکاراں، ارکان پارلیمان اتے اعلیٰ حکام شریک تھیے
