اسلام آباد ۔ 29 اپریل (اے پی پی) مستعفی تھیونڑ آلے وفاقی وزیر میاں ریاض حسین پیرزادہ آکھے جو او وزیراعظم محمد نواز شریف دے سپاہی ہن اتے انہاں دے نال کھڑ ے راہسن ، پی پی اچ رلنڑ دیاں خبراں کوڑیاں ہن۔ گزریل ڈینھ پیپلز پارٹی دے شریک چئیرمین آصف علی زرداری نال ملاقات اُتے آپنڑیں ردعمل اچ انہاں آکھیا جو او وزیر اعظم نواز شریف توں ناراض کائنی ۔ انہاں آصف علی زرداری نال رابطیاں دی وی تردید کیتی ۔انہاں آکھیا جو انہاں دے استعفیٰ کوں سیاسی معاملہ نہ بنڑایا ونجے ۔ استعفی وزیر اعظم دے سٹاف دے حوالے نال تحفظات اُتے ڈتے ۔
