اسلام آباد ۔ 11 اپریل(اے پی پی)وزیراعظم محمد نواز شریف آکھیا جو کشمیری عوام دے مسئلییاں کوں موثر انداز اچ نشابر کرنڑ سانگے اسلامی تعاون تنظیم (او آئی سی)دے آزاد جموں و کشمیراتے لائن آف کنٹرول دا گزریل مہینیاں وچال دورہ کرنڑ آلے خودمختار انسانی حقوق کمیشن دی رپورٹ دی وسیع طور تے اشاعت کیتی ونجنڑی چاہیدی اے۔انہاں اے گالھ او آئی سی دے سیکرٹری جنرل ڈاکٹر یوسف احمدنال گالھ مہاڑ کریندیں ہوئیں آکھی ۔وزیراعظم سیکرٹری جنرل دا پاکستان اچ پرتپاک خیر مقدم کریندیں ہوئیں ایں گالھ تے زور ڈتا جو او آئی سی دا علاقائی اتے بین الاقوامی سطحاں تے اہم کردار نبھائے۔انہاں حق خودارادیت دے حصول سانگے جموں تے کشمیر دی عوام نال اظہار یکجہتی کرنڑ تے او آئی سی اتے برادر مسلم ملکاں دا شکریہ ادا کیتا۔
