اسلام آباد ۔ 7 اپریل (اے پی پی) وزیراعظم محمد نواز شریف ‘ چین پاکستان اقتصادی راہداری دے تحت سارے منصوبے ویلھے تے پورا کرنڑ اتے موثر عملدرآمد سانگے بھرپور عزم دا اظہا ر کریندیں ہوئیں آکھیا جو سی پیک کوں حقیقت داروپ ڈیونڑ سانگے اساں چین دی وزارتاں اتے اداریاں دے تعاون تے شکر گزار ہیسے ۔ملک توں توانائی دی گھٹکی دا خاتمہ کرنڑ انہاں دی حکومت دی پہلی ترجیح اے۔انہاں اے گالھ جمعہ کوں پاور کنسٹرکشن کارپوریشن آف چائنہ دے چیئرمین بورڈ آف ڈائریکٹرز اتے صدر یان ژی یانگ دی قیادت اچ چینی وفد نال ملاقات اچ گالھ مہاڑ کریندیں ہوئیں آکھی۔وزیراعظم چینی وفد دا خیر مقدم کریندیں ہوئیں آکھیا جو پاکستان اتے چین وچال آپسی احترام اتے اعتماد تے مبنی لازوال دوستی قائم اے۔وزیراعظم ایں امر دااظہار کیتا جو چین پاکستان اقتصادی راہداری دے تحت پاکستان سارے منصوبیاں تے ویلھے تے اتے موثر عملدرآمد سانگے پورا عزم اے۔انہاں آکھیا جو سی پیک کوں حقیقت دا روپ ڈیونڑ سانگے ڈیونڑ سانگے اساں چین دی وزارتاں اتے اداریاں دے تعاون تے شکر گزار ہیسے ۔ملک توں توانائی دی گھٹکی دا خاتمہ کرنڑ انہاں دی حکومت دی پہلی ترجیح اے۔وزیراعظم پاور چائنہ دے تعاون کوں سراہندیں ہوئیں امید کیتی جو بجلی دے منصوبیاں دی سبک رفتاری نال تعمیر توانائی دے بحران تے قابو پاونڑاچ مدد ملسی۔
