وزیراعظم نواز شریف دا اوکاڑہ اچ مسلم لیگ (ن) دے جلسے نال خطاب

اوکاڑہ ۔ 29اپریل (اے پی پی) وزیراعظم نواز شریف آکھے جو 2018ءاچ ملک توں لوڈ شیڈنگ پوری طرح مُک ویسی ، تربیلا، نیلم جہلم اتے بئے بجلی دے منصوبیاں تے تیزی نال کم جاری ہے ، 960 میگاواٹ دا نیلم جہلم دا منصوبہ آندے سال پورا تھیسی ، نواز شریف کہیں دے آکھنڑ تے استعفی کائناں ڈیسن ، اساڈے سوا کہیں موٹرویز تے توجہ کائنی ڈتی ، سارے ملک اچ ترقیاتی کم جاری رکھیسوں ۔ اے گالہیں انہاں چھنڑ چھنڑ کوں اوکاڑہ اچ مسلم لیگ (ن) دے جلسہ عام نال الیندے ہوئیں آکھیاں ۔ وزیر اعظم آکھیا جو لوکیں دا جوش و جزنہ ڈیکھ تے 2013ءدا منظر یاد آندا پئے ، اوکاڑہ نال اتے اوکاڑہ دے لوک میڈے نال بہوں ودھ پیار کریندے ہن ۔ وزیراعظم ایں موقعے تے دیپالپور فلائی اوور دی تعمیر اتے سوئی گیس دی فراہمی ، سڑکاں دی تعمیر و مرمت دا اعلان کیتا۔ وزیراعظم آکھیا جو سارے ملک اچ بجلی دے پیداواری پلانٹس اُتے تیزی نال کم جاری ہے ، 960 میگاواٹ نیلم جہلم منصوبہ آندے سال پوار تھی ویسی ، اتے 2018ءتئیں ملک اچوں لوڈ شیڈنگ کوں پوری طرح مکا ڈتا ویسی ۔