اسلام آباد ۔ 26 اپریل (اے پی پی) وزیر داخلہ چوہدری نثار علی خان ڈان لیکس انکوائری کمیٹی دی رپورٹ وزیراعظم کوں بھیج ڈتی،وزیراعظم ولوں منظوری دے بعد سفارشاں دی روشنی اچ کاروائی عمل اچ آندی ویسی۔بدھ کوں اتھاں وزارت داخلہ ولوں جاری بیان دے مطابق کمیٹی دے سارے ممبران اتفاق رائے نال سفارش کیتی۔اے رپورٹ ساڈھے چھی مہینیاں اچ پوری تھئی اے جئیں اچ کمیٹی دے 6اجلاس تھیے۔کمیٹی ابتدائی طور سیکرٹری اسٹیبلشمنٹ دی سربراہی اچ ہک کمیٹی بنڑائی جئیں دے 16اجلاس تھیے اتے اوں سارے ریکارڈ دی پڑتال اتے گواہواں دا جائزہ گھدا۔ انکوائری کمیٹی دی سربراہی جسٹس (ر) عامر رضا خان کریندے پئے ہن جڈاجو ایں اچ سیکرٹری اسٹیبلشمنٹ طاہر شہباز، محتسب پنجاب نجم سعید، ڈائریکٹر ایف آئی اے لاہور عثمان انور دے علاوہ ایم آئی، آئی ایس آئی اتے آئی بی توں ہک ہک نمائندہ گھدا گئہیا ہئی ۔
