اسلام آباد ۔ 05 اپریل (اے پی پی) وزیرمملکت اطلاعات نشریات تے قومی ورثہ مریم اورنگزیب آکھیا جو وزیراعظمیٰ دی کرسی دی ہوس عمران خان کوں ذہنی مریض بنڑا ڈتے،وفاق تاں کیا2018ء اچ خیبرپختوانخواہ دے لوک وی انہاں دی نااہلی،انتشاری اتے فسادی سیاست پاروں مسترد کر ڈیسن،انہاں دی جئیں صوبے اچ حکومت اے اتھاں دے احتساب کمیشن دے تالے کھولن،عمران خان ڈساون جو خیبرپختوانخواہ اچ سکولاں دی چنگائی سانگے کیتا گئے ،پورے ملک دا ٹھیکہ چھوڑ ڈیون،خیبرپختونخواہ دی عوام دا لُٹیا ہوئیا پیسہ پہلے آپنڑے صوبے تے خرچ کرن۔انہاں آکھیا جو عمرا خان صاحب خیبرپختوانخواہ اچ25لکھ توں ودھ سکولاں توں باہر بال آپ دی راہ ڈیکھدے پئن ۔انہاں آکھیا جو خیبرپختوانخواہ اچ3000توں ودھ سکولاں اچ واش روم کائنی،10ہزار سکول بجلی توں بغیر ہن ،7ہزار توں ودھ سکولاں اچ پیونڑ دے صاف پانڑی توں محروم ہن ۔انہاں آکھیا جو خیبرپختوانخواہ دے سکولاںد ے بال عمران خان دی توجہ دے منتظر ہن ۔وزیرمملکت اطلاعات آکھیا جو تعلیمی اصلاحات اچ مدد چاہیدی اے تاں پنجاب اچ محمد شہباز شریف اتے وفاق اچ مریم نواز نال رابطہ کرن۔
