اسلام آباد ۔ 11 اپریل (اے پی پی) وزیر اعظم دے معاون خصوصی خارجہ امور طارق فاطمی آکھیا ہے جو پاکستان تے ہنگری وچال تجارتی تے اقتصادی شعبے اچ تعلقات مزید مستحکم کرنڑ دی ضرورت ہے ۔دفتر خارجہ دے ترجمان دے مطابق اے گالھ انہاں ہنگری دے نائب سیکر ٹری خارجہ تے تجارت سلوٹر بس نال گالھ مہاڑ کریندے ہوئیں آکھی جنہاں منگل کوں اتھاں دفتر خارجہ اچ انہاں نال ملاقات کیتی ۔معاون خصوصی ڈوہیں ملکاں وچال مجموعی ڈو پاسے تعلقات دی صورت حال تے اطمینان دا اظہار کیتا تاںجو انہاں تجارتی تے اقتصادی شعبے اچ تعلقا ت کوں مزید مستحکم کرنڑ دی ضرورت تے زور ڈتا ۔طارق فاطمی انہاں کوں سیکورٹی تے انسداد دہشت گردی دے شعبے دے علاو ہ اقتصادی ترقی تے جمہوری اداریں کوں مستحکم کرنڑاچ پاکستان دیاں کامیابیاں دے حوالے نال بریف کیتا۔ سلوسٹر بس ایں موقع تے آکھیا جو ہنگری پاکستان دے نال تعلقات کوں بہوں اہمیت ڈیندا ہے ۔ہنگری پاکستانی طالباں سانگے سکالرشپس دی تعداد 80توں ودھا تے 200کرڈتی ہے۔
