وزیر خزانہ اسحاق ڈاردا واشنگٹن اچ اقتصادی اصلاحات اتے بحالی دے موضوع تے تھیونڑ آلے فورم توں خطاب

واشنگٹن ۔ 26 اپریل (اے پی پی) وزیر خزانہ اسحاق ڈار آکھیا ہے جو حکومت ڈھانچہ جاتی اصلاحات تے مالیاتی پالیسیاں دی وجہ توں مجموعی اقتصادی اچ ودھارا تھیا ہے ،پاکستان پہلی واری کامیابی دے نال آئی ایم ایف دا پروگرام پورا کیتا ہے ،پچھلے چار سال اچ معیشت توانائی تے تعلیم دے شعبے اچ چنگی بہتری تھی ہے ۔انہاں ان خیالاں دا اظہار اتھاں پاکستان ایمبسی فورم دے پاکستان اچ اقتصادی اصلاحات تے بحالی دے موضوع تے تھیونڑ آلے تریجھے سیشن توں خطاب کریندے ہوئیں کیتا ۔سیشن اچ امریکہ دی ممتاز کمپنیاں تے تھنک ٹینکس دے نمائندیں تے امریکہ دے موضوع اچ مقیم ممتاز پاکستانیاں شرکت کیتی ۔وزیر خزانہ آکھیا جو علاقائی رابطے دے ودھارے تے سرمایہ کاری اچ ودھارے دیاں کوششاں نال پاکستان دی اقتصادی ترقی کوں یقینی بنڑاونڑ اچ مدد ملی ہے ،اساڈی مجموعی معیشت کوں درپیش چیلنج نال نبڑنڑ سانگے ترقی دی رفتا ر مزید تکھا کرنڑ دی ضرورت ہے ۔انہاں آکھیا جو علاقے اچ امن سانگے کشمیر دے مسئلے دا حل ضروری ہے ۔