اسلام آباد ۔ 6 اپریل (اے پی پی) وزیر مملکت اطلاعات، نشریات تے قومی ورثہ مریم اورنگزیب آکھیا جو صحافت اتے سیاست ہک ڈوجھے سانگے لازم و ملزوم ہن ،حکومت صحافیاں دی فلاح و بہبود،انہاں دے تحفظ اتے انہاں کوں سازگار ماحول ڈیونڑ سانگے آپنڑاں کردار بئیا وی چنگے انداز اچ کریسی،وزیراعظم دی قیادت اچ حکومت صحافیاں دے تحفظ اتے انہاں دی فلاح و بہبود سانگے جرنلسٹس ویلفیئر اتے پروٹیکشن دا قنون وضع کریندی پئی اے۔اے گالھیں انہاں خمیس کوں یوم شہدائے صحافت تے سنھیے اچ آکھی۔وزیرمملکت آکھیا جو پاکستان فیڈرل یونین آف جرنلسٹس (پی ایف یو جے) مبارک باددی مستحق اے جو اوں یوم شہدائے صحافت مناونڑ سانگے اے قدم چاتا۔
