اسلام آباد ۔ 07 اپریل (اے پی پی) وزیر مملکت برائے اطلاعات، نشریات تے قومی ورثہ مریم اورنگزیب آکھیا جو پاکستان اچ لوک سیاست اچ ملک دی عوام دی خدمت کرنڑ سانگے امدن،عمران خان آلی کار پیسہ بنڑاونڑ کائنا،عمران خان دی سیاست صرف پیسہ بنڑاونڑ،انتشار کھنڈاونڑ اتے فساد برپا کرنڑ اے،او پانامہ تے سیاست کرنڑ چھوڑ کراہیں آپنڑی توجہ کے پی کے دی عوام تے ڈیون، خان صاحب نیشنل اکاؤنٹیبلٹی دی فکر چھوڑ کراہیں خیبرپختوانخواہ دے احتساب کمیشن دا تالا کھولن اتے اونکوں مضبوط کرن۔جمعہ کوں آپنڑے بیان اچ انہاں آکھیا جو عمران خان اردو اچ کوڑ مار مار کراہیں تھک گئن اتے انہاں ہنڑ انگریزی اچ کوڑ مارنڑ شروع کر ڈتن ،انہاں دی عقل دا دیوالیہ ضرور نکل گئے جو او ملک دے دیوالیہ تھیونڑ دی گالھ کریندے پئن ۔انہاں آکھیا جو عمران خان دی منفی سیاست تباہ تھیندی پئی اے کیونجو او وقت توں کجھ نی سکھدے پئے ۔
