وزیر مملکت پانڑیں تے بجلی عابد شیر علی دی پارلیمنٹ ہاﺅس دے باہروں میڈیا نال گالھ مہاڑ

اسلام آباد ۔ 21 اپریل (اے پی پی) وزیر مملکت پانڑیں تے بجلی عابد شیر علی آکھیا جو عدالتی فیصلیں کوں نہ مننڑ پیپلز پارٹی دا وطیرہ ہے ، جوائنٹ انویسٹی گیشن ٹیم کوں نہ مننڑ دا پیپلزپارٹی دا اعلان نویں گالھ کائنی ، انکوائری کمیٹیآصف علی زرداری ، ایان اتے شرجیل میمن بارے بنڑائی ویسی۔ انہاں جمعے کوں پارلیمنٹ ہاﺅس دے باہروں میڈیا نال گالھ مہاڑ کریندے ہوئیں آکھیا جو عدالت ہک واری ولا نواز شریف کوں بری الذمہ قرار ڈتاہے۔ پانامہ پیپر دی گالھ کرنڑ آلے محض تروڑ پھوڑ ، دھرنے اتے احتجاج دی سیاست کو ں ودھارا ڈیندے پے ہن تے اپنڑی تسکین چاہندے ہن ۔ ہک سوال دے جواب اچ انہاں آکھیا جوپیپلزپارٹی دی تاریخ گواہ ہے جو ایں کڈاہیں وی عدالتی فیصلیں کوں کائنی منیا تے ہنڑ جے آئی ٹی دی مخالفت کرتے اپنڑی روایت کوں برقرار رکھیا ہے ۔