وفاقی وزیرِ داخلہ چوہدری نثار علی خان نال ڈائریکٹر جنرل اینٹی نارکوٹیکس فورس میجر جنرل مسرت نواز ملک دی ملاقات

اسلام آباد ۔ 24 اپریل (اے پی پی)وفاقی وزیرِ داخلہ چوہدری نثار علی خان نال ڈائریکٹر جنرل اینٹی نارکوٹیکس فورس میجر جنرل مسرت نواز ملک ملاقات کیتی۔۔ترجمان وزارت داخلہ دے مطابق ملاقات وچال وزیرِ داخلہ نے میجر جنرل مسرت نواز ملک کوں بطور ڈی جی اے این ایف تعیناتی اتے عہدہ سنبھالنڑ تے مبارک باد ڈتی۔ڈی جی اے این ایف وزیرداخلہ کوں ادارے دی کارکردگی،منشیات دی روک تھام بارے حکمت عملی اتے متاثرہ بندیاں دی بحالی سانگے کیتے ونجنڑ آلے اقدامات بارے تفصیلی بریفنگ ڈتی۔وزیرداخلہ ولوں اے این ایف کوں وفاقی اتے صوبائی سطح تے ہر قسم دے تعاون کرنڑ دا یقین ڈوایا۔وفاقی وزیر داخلہ چوہدری نثار علی خان آکھیا جو معاشرے خصوصی طور نینگر نسل کوں منشیات دی لت توں بچاونڑ سانگے زیرو ٹالرینس پالیسی اتے معاشرے دے ہربندے کوں مہم دا حصہ بنڑایا ونجے،موثر بارڈر منیجمنٹ خصوصی مغربی سرحداں تے حفاظتی باڑ لاونڑ نال منشیات دی ترسیل دی روک تھام اچ خاطر خواہ مدد ملسی۔