اسلام آباد ۔ 26 اپریل (اے پی پی) وفاقی وزیر خزانہ سینیٹر اسحاق ڈار آکھیا جو پاکستان بھارت نال کشمیر دے پرانڑے تنازعہ دے حل سانگے ٹرمپ انتظامیہ دی مدد دی خواہاں اے،پاکستان قبائلی علاقیاں اچ دہشت گردی دے نیٹ ورکس کوں تروڑنڑ اتے دہشت گرداں دے صفایا کرنڑ سانگے فوجی آپریشنز کیتن،امریکی جریدے وال سٹریٹ جرنل کوں ہک انٹرویو اچ انہاں آکھیا جو پاکستان امریکہ نال آپنڑے تعلقات کوں نویں سروں مرتب کرنڑ چاہندے ،اساکوں دوستاں دی حیثیت نال آپت دے ابہام دور کرنڑدی لوڑھ اے۔ہک سوال دے جواب انہاں آکھیا جو نائن الیون دے بعد توں افغانستان اچ جاری آپریشنز کوں ودھ کامیابی کائنی ملی ۔تساں ہر ہک طالبان کوں پکڑ تے نی مار سگدے ایں سانگے بہوں عرصہ چاہیدے۔انہاں آکھیا جو اساں توقع کریندوں جو امریکہ ہک مشترکہ دوست دی حیثیت نال کشمیر دے مسئلہ کوں اقوام متحدہ دی قرارداداں دے مطابق جلدی خوش اسلوبی نال حل دی حوصلہ افزائی کریسی۔
