اسلام آباد ۔ 06 اپریل(اے پی پی) وفاقی وزیر خزانہ سینیٹر اسحاق ڈار نال جرمنی دے وفاقی وزیر برائے اقتصادی تعاون تے ترقی ڈاکٹر گیرڈ ملر ملاقات کیتی جئیں اچ ترقیاتی تعاون سمیت آپسی دلچسپیاں دے معاملیاں تے گالھ مہاڑ کیتی گئی۔وزیر خزانہ جرمنی دی حکومت ولوں پاکستان اچ مختلف ترقیاتی منصوبیاں خصوصی طور پاکستان مائیکرو فنانس انویسٹمنٹ کمپنی اچ جرمن ترقیاتی بنک دے ایف ڈبلیودے تعاون کوں سراہیا۔انہاں پاکستان اچ مالیاتی اتے ڈیجیٹل شمولیت دے ودھارے بارے اقدامات کوں وی اجاگر کیتا اتے جرمن کمپنیاں کوں دعوت ڈتی جو او پاکستان دے آزادانہ سرمایہ کاری پالیسیاں اتے خصوصی اقتصادی زونز نال فائدہ کریندیں ہوئییں مختلف شعبیاں اچ خصوصی طور آٹوموٹیو اتے سولر پی وی اچ سرمایہ کاری کریسن۔اعلامیہ اچ ترائے شعبیاں بشمول گورنس،توانائی اتے پائیدار اتے پائیدار ترقی کوں ترجیحی حیثیت ڈیندیں ہوئیں قرارڈتا جو 2017-18ء اچ ڈو پاسہ ترقیاتی تعاون دا حجم109ملین یورو تئیں پج سگدے۔
