اسلام آباد ۔ 05 اپریل (اے پی پی) وفاقی وزیر منصوبہ بندی ترقی تے اصلاحات احسن اقبال آکھیا جو سی پیک دے تحت چینی صنعتاں دی پاکستان منتقلی پاکستانی معیشت اچ استحکام دا باعث بنڑسی،صنعتاں دی منتقلی پاکستان اچ ملازمتاں دے نویں موقع پیدا تھسین،ماضی اچ چین اتے پاکستان وچال تعاون،سفارتی،تزویراتی اتے دفاعی امور تئیں محدود رہیا،اقتصادی راہداری چین اتے پاکستان وچال تعاون دی نویں جہت ڈتی۔اے گالھیں انہاں بدھ کوں ایڈوائزر ٹو سٹیٹ کونسل چائنہ پروفیسر جسٹن یی فو لن نال گالھ مہاڑ کریندیں ہوئیں آکھی۔وفاقی وزیرآکھیا جو اقتصادی راہداری دے بعد چین اتے پاکستان وچال اقتصادی،تجارتی،سرمایہ کاری اتے صنعتی تعلقات شروع تھیے۔
