پاکستان ،افغانستان اچ امن تے مفاہمت سانگے کوششاں اچ تعاون دے سلسلے اچ عالمی برادری دے نال رل تے کم کرنڑ سانگے پر عزم ہے ،مشیر خارجہ سرتاج عزیز

اسلام آباد ۔ 17 اپریل (اے پی پی)وزیر اعظم دے مشیر امور خارجہ سرتاج عزیز افغانستان دی وگرڈی ہوئی سیکورٹی صورت تے پاکستان دی تشویش دا اظہار کریندے ہوئیں آکھیا ہے جو پاکستان افغانستان اچ امن تے مفاہمت سانگے کوششاں اچ تعاون دے سلسلے اچ عالمی برادری دے نال کم کرنڑ سانگے پر عزم ہے ۔دفتر خارجہ دے بیان دے مطابق مشیر خارجہ اے گالھ سنوار کوں اتھاں وزارت خارجہ امریکی قومی سلامتی دے مشیر لیفٹیننٹ جنرل ایچ آر میک ماسٹر دے نال باضابطہ مذاکرات دے دوران آکھی۔ سرتاج عزیز دی معاونت وزیر اعظم دے معاون خصوصی امور خارجہ سید طارق فاطمی ، قومی سلامتی دے مشیر لیفٹیننٹ جنرل (ر) ناصر خان جنجوعہ اتے وزارت خارجہ دے سینئر حکام کیتی جڈاں جو امریکی اقومی سلامتی دے مشیر دی معاونت امریکی سفیر ڈیوڈ ہیل ، پاکستان اتے افغانستان سانگے امریکہ دے قائمقام خصوصی نمائندہ لارل ملر ،امریکی قومی سلامتی کونسل دے جنوبی ایشیاءسانگے سینئر ڈائریکٹر لیزا کرٹس اتے پاکستان سانگے ڈائریکٹر جے وائز کیتی۔ مذاکرات ا چ سرتاج عزیز خطے اچ پائیدار امن دے حصول سانگے اقدامات دے حصے دے طور تے پاکستان اتے افغانستان وچال چنگے سرحدی نظام دی اہمیت اجاگر کیتی ۔ انہاں امریکی وفد دا خیر مقدم کریندے ہوئیں آکھیا جو پاکستان تے امریکہ عشریں توں پرانڑے یار ہن تے خطے اچ امن تے استحکام سانگے ڈوہیں ملکاں وچال جاری ٹھوس شراکت داری ضروری ہے ۔انہاں حکومت دیاں پالیسیاں دے متعلق تفصیلی بریفنگ ڈتی جیں دے نتیجے اچ پاکستان اچ سلامتی دی فضا چنگی تھی تے معاشی ترقی کوں ودھارا تھیا ہے ۔ دہشت گردی دے خاتمے دے سلسلے اچ انہاں آکھیا جو دہشت گردی دے خاتمے دے حوالے نال شاندار کامیابیاں حاصل تھیاں ہن تے پاکستان اپنڑی سر زمین توں نیشنل ایکشن پلان دے تحت دہشت گردی دے پورے خاتمے دا عزم کر رکھیا ہے ۔انہاںآکھیا جو حکومت پاکستان دے عوام سانگے ہک خوشحال اتے محفوظ مستقبل سانگے سکیورٹی اتے معاشی محاذاں تے کوششاں دی موجودہ رفتار کوں برقرار رکھنڑ دے عزم دا اعادہ کیتا ۔پاکستان مقبوضہ کشمیر اچ کشمیریاں دی حالت زار تے وفد دی توجہ ڈیوائی تے بھارت دے نال تعلقات تے صورتحال متعلق ڈسایا گیا ،پر امن ہمسائیگی اتے مذاکرات سانگے وزیراعظم نواز شریف دے وژن دااعادہ کریندے ہوئیں مشیر خارجہ وفد کوں بھارت اتے افغانستان دے نال تعلقات دے حوالے بارے ڈسیا ۔ امریکی قومی سلامتی دے مشیر وزیر اعظم دے مشیر خارجہ امور داشکریہ اداکیتا تے دہشت گردی اتے انتہا پسندی دے خاتمے سانگے پاکستان دیاں قربانیاں کوں من گھدا ۔انہاں باہمی مفید تعلقات کوں مضبوط بنڑاونڑ اتے افغانستان تے کطے اچ امن تے استحکام سانگے سانجھے مقاصد دے حصول سانگے پاکستان دے نال رل تے کم کرنڑ دے نویں امریکی انتظامیہ دے عزم دا اظہار کیتا ۔