واشنگٹن ۔ 26 اپریل (اے پی پی) وزیر خزانہ اسحاق ڈارآکھیا ہے جو پاکستان سرمایہ کاری سانگے پرکشش مقام بنڑ گیا ہے، عالمی ریٹنگ ایجنسیاں پاکستان دی درجہ بندی منفی توں مستحکم اتے ولا مستحکم توں مثبت کر ڈتی ہے۔توقع ہے جو پاکستان 2030تئیں جی 20ملکاں اچ شامل تھی ویسی ۔مسلم لیگ ن دی حکومت سپریم کورٹ دے فیصلے دا احترام کیتا ہے تے عدالت دے فیصلے اچ سانجھی تحقیقاتی ٹیم دے قیام دا خیر مقدم کریسی ۔انہاں خیالاں دا اظہار انہاں پریس کانفرنس توں خطاب کریندے ہوئیں کیتا ۔وزیر خزانہ آکھیا جوپاکستان مالیاتی اتے ڈیجیٹل اکانومی دے حوالے نال متاثر کن پیشرفت کیتی ہے ۔وزیر خزانہ آئی ایم ایف اتے عالمی بینک دے اجلاساں تے ایں موقع تے تھیونڑ آلیاں ملاقاتاں بارے تفصیل نال ڈسایا ۔انہاں پچھلے چار سال دے دوران پاکستان دی معیشت اچ شاندار ترقی دے حوالے نال اتھاں مثبت اثرات پاتے ویندے ہن ۔2014اچ پاکستان دیوالیہ تھیونڑ دے نیڑے ہئی لیکن اج توقع ہے جو پاکستان اجوکے مالی سال دے دوران پنج فیصد دی شرح نمو حاصل کر گھنسی ۔آئی ایم ایف اتے عالمی بینک ڈوہیں دے پاکستانی معیشت بارے اچ خیالاں ہکو جے ہن ۔
