پاک چائنا اقتصادی راہداری اتے توانائی دے منصوبیں سمیت کئی دیگر میگا پراجیکٹس تکمیل دے چھیکڑ ی مرحلے اچ ہن ،گورنر پنجاب ملک محمد رفیق رجوا نہ

فیصل آباد۔26اپریل (اے پی پی )گورنر پنجاب ملک محمد رفیق رجوانہ آکھیا ہے جو ملک ایں ویلھے دے سارے شعبہ جات اچ بر ق رفتاری نال ترقی کریندا پیا ہے اتے چائنا پاکستان اقتصادی راہداری سمیت توانائی دے کئی منصوبیں ،موٹر ویز وڈیاں شاہراواں ،کسان پیکیج ،معاشی استحکام اتے اپریشن رد الفساد کوں تکمیل دے مرحلے نال ہمکنار کیتا ویندا پیا ہے جیں پاروں اجوکے سال دے چھیکڑاتے اگلے سال دے شروع اچ عوام ملک اچ واضح تبدیلی محسوس کریسن جڈاں جو پر امن خوشگوار اتے سازگار ماحول پاروں بہوں وڈی تعداد اچ سرمایہ کاری تھیونڑ نال غربت تے بے روزگاری دا خاتمہ تھیونڑ دے علاوہ ملکی تعمیر تے ترقی ،عوامی خوشحالی تے قومی فلاح دا دور دورہ ہوسی ایں سانگے ضروری ہے جو غیر ضروری اختلاف کوں ہوا ڈیونڑ تے عدم برداشت دی فضا توں بچائو دے نال نال کہیں ایجھے اقدام توں گریز کیتا ونجے جیں نال ملک اچ عدم استحکام دا خطرہ ہووے ۔