اسلام آباد ۔ 20 اپریل (اے پی پی) مشیر خارجہ سرتاج عزیز آکھیا ہے جو کرنل (ر) حبیب ظاہر دی بازیابی سانگے نیپال دی حکومت دے نال رل تے کوششاں کیتیاں ویندیاں پیاں ہن ، ابتدائی تحقیقات دے مطابق حبیب ظاہر کو ںکھٹمنڈو ایئر پورٹ تے گھننڑ سانگے آونڑ آلے ہوٹل اچ ٹھہراونڑ آلے سارے لوکاں دا تعلق بھارت توں ہے ۔ خمیس کوں ایوان بالا اچ سینیٹر میاں محمد عتیق شیخ دی کرنل (ر) حبیب دی گمشدگی دے حوالے نال تحریک التواءدی منظوری دے تعین دے معاملے تے پالیسی بیان ڈیندے ہوئیں مشیر خارجہ آکھیا جو کرنل (ر) حبیب ظاہر کوں ہک کمپنی ملازمت سانگے نیپال اچ سڈیا انہاں لاہور توں براستہ لندن کھٹمنڈو دا سفر کیتا۔ جیرھے لوک انہاں کوں ائیر پورٹ تے گھننڑ آئے ، انہاں سانگے ٹکٹ اتے ہوٹل اچ ٹھہراونڑ دا انتظام کیت اے سارے بھارتی شہری ہن ۔ اے چیز ابتدائی تحقیقات اچ سامنڑے آگی ہے ۔ انہاں آکھیا جو انہاں دے اہل خانہ انہاں دی گمشدگی دے بعد جی ایچ کیو نال رابطہ کیتاجیں دے بعد وزارت خارجہ کوں ایں معاملے بارے ڈسایا گیا ۔ وزارت خارجہ نیپال اچ پاکستان دے سفارت خانہ اتے نیپال دی حکومت کوں وی کرنل (ر) حبیب دی گمشدگی دے حوالے بارے ڈسایا۔ کرنل (ر) حبیب دی گمشدگی دی نیپال اتے پاکستان اچ ایف آئی آرز درج کرا ڈتی گی ہے تے نیپالی حکومت دے نال انہاں دی بازیابی سانگے کوشش کیتی ویندی پئی ہے
