ایشائی ترقیاتی بینک دے بورڈ آف گورنرزدا 50واں اعلیٰ سطح دا اجلاس جاپان دے شہر یوکوہاما اچ 4توں 7مئی کوں تھیسی، وزیر خزانہ اسحاق ڈار شرکت کریسن

یوکوہاما ۔ 2 مئی (اے پی پی) جاپان دے شہر یوکوہاما اچ ایشائی ترقیاتی بینک دے بورڈ آف گورنرز دے 50ویں اعلیٰ سطحی اجلاس اچ دنیادے وفد شرکت کریسن ۔ اے اجلاس 4توں 7مئی کو ں تھیسی ۔ ایں سال گولڈن جوبلی اجلاس دا موضوع مل جل تے ایشیاءدی خوشحالی ہے ۔ اجلاس اچ ایشیاءاتے بحر الکاہل دے خطے اچ علاقائی تعاون ، تجارت ، مالیاتی اتے اقتصادی رابطے دے ایشو دا جائزہ گھدا ویسی ۔ایندے علاوہ چھوٹے تے درمیانے درجے دی تجارت ،سرمایہ کاری ،پائیداری جامع شہراں تے روزگار جیہوجے امور زیر غو ر آﺅسن ۔اجلاس اچ ترائے ہزار توں ودھ وفد شرکت کریندے پے ہن ۔وزیر خزانہ اسحاق ڈار ایشیائی ترقیاتی بینک دے بورڈ آف گورنرزدے 50ویں سالانہ اجلاس اچ شرکت کریسن۔ ایں موقع تے آسیان اتے ترائے بئے ملکاں دے وزیر خزانہ دا وی اجلاس تھیسی