وزیراعظم محمد نواز شریف دا ہزارہ موٹروے دے زیر تعمیر حصے دا دورہ،تعمیری معیار دا معائنہ کیتا

حویلیاں ۔ 4 مئی (اے پی پی) وزیراعظم محمد نواز شریف دا ہزارہ موٹروے دے زیر تعمیر حصے دا دورہ،تعمیری معیار دا معائنہ کیتا۔خمیس کوں برہان توں ہویلیاں ای 35منصوبہ دے معائنہ دے بعدے وزیراعظم کوں منصوبہ تے پیشرفت بارے بریفنگ ڈتی گئی۔وزیراعظم محمدنواز شریف کوں ڈسایا گئیا جو 59کلومیٹر لمبی ای35چھی رویہ موٹروے تعمیر دے اخیری مرحلے اچ اے،منصوبے تے کم دی رفتار ودھاونڑ سانگے ای 35موٹروے کوں ترائے حصیاں اچ ونڈیا گئے ۔پہلا حصہ برہان جھاری کس 20.4 کلومیٹر لمبا اے، سیکشن ٹو جھاری کس توں سرائے صالح 19.2 کلومیٹر جڈانجو تریجھا سیکشن سرائے صالح توں حویلیاں تئیں 19.4 کلومیٹر لمبا اے۔اے منصوبہ پاک چین اقتصادی راہداری دا اہم حصہ اے جئیں نال مقامی آبادی دی زندگیاں اچ وڈی تبدیلی امسی۔