آندے مالی سال دے قومی ترقیاتی پروگرام دا حجم 21 کھرب 13 ارب روپے ہوسی وفاق دا حصہ 10 کھرب 1 ارب روپے اتے صوبیں دا حصہ 11 کھرب 12 ارب روپے، 162 ارب روپے دی غیر ملکی امداد شامل وی

تاریخ اچ پہلی واری وفاقی حکومت دے نال نال صوبیاں دا ترقیاتی بجٹ وی 10 کھرب روپے توں ودھ رکھیا گے
اسلام آباد ۔ 26 مئی (اے پی پی) آندے مالی سال 2017-18دے قومی ترقیاتی پروگرام دا حجم 21 کھرب 13 ارب روپے ہوسی جیں اچ وفاق دا حصہ 10 کھرب 1 ارب روپے اتے صوبیاں دا حصہ 11 کھرب 12 ارب روپے ہوسی۔ ترقیاتی پروگرام اچ 162 ارب روپے دی غیر ملکی امداد وی شامل ہے۔ ملکی تاریخ اچ پہلی واری وفاقی حکومت دے نال نال صوبیاں دا ترقیاتی بجٹ وی 10 کھرب روپے توں ودھ رکھیا گیا۔ سرکاری شعبے دے ترقیاتی پروگرام پی ایس ڈی پی اچ 90 فیصد فنڈز جاری منصوبیں کیتے رکھیے گے ہن ۔سرکاری شعبے دے ترقیاتی پروگرام دی تشکیل اچ وزیراعظم نوا ز شریف دی دور اندیش قیادت تے تحت موجودہ حکومت دی ترقی اتے مبنی اتے عوام دوست پالیسیاں کوں ظاہر کریندی ہے ۔آندے مالی سال 2017-18دا بجٹ قومی ترقیاتی پروگرام وژن 2025اچ رکھیے گے لمبی مدت دے تے پائیدار ترقیاتی اہداف دی روشنی اچ تیار کیتا گیا ہے ۔پروگرام دی تشکیل اچ مجموعی صلاح اتے شراکت تے مبنی طریقہ کار کوں اختیار کیتا گے ۔قومی اقتصادی کونسل 19مئی 2017کوں قومی ترقیاتی پروگرام برائے سال 2017-18دی منظوری ڈتی ہئی ۔قومی ترقیاتی پروگرام اچ سی پیک دے تحت منصوبیں کوںوی ترجیح ڈتی گی ہے تاں جو اے منصوبے ویلھے سر پورے تھیون اتے انہاں دا فائدہ عام لوکاں کوں وی تھیوے اتے پاکستان تجارت تے ترقی دا علاقائی مرکز بنڑ ونجے ۔پی ایس ڈی پی اچ انہاں منصوبیاں کوں پوراکرنڑ کیتے خصوصی زور ڈتا گے ایں مقصد سانگے نوے فیصدفنڈز ترقیاتی منصوبیاں کیتے رکھیے گن ۔