آندے 24گھنٹے دے دوران سلام آباد راولپنڈی سمیت اتلے پنجاب، خیبرپختونخوا، فاٹا، گلگت بلتستان ، کشمیر ، اتلے سندھ اچ کجھ جہیں تے تکھی ہوا،اندھاری تے کھمنڑ نال مینھ وسنڑ دا امکان ہے

اسلام آباد ۔ 12 مئی (اے پی پی) اسلام آباد راولپنڈی سمیت اتلے پنجاب، خیبرپختونخوا، فاٹا، گلگت بلتستان ، کشمیر ، اتلے سندھ اچ کجھ جہیں تے تکھی ہوا،اندھاری تے کھمنڑ نال مینھ وسنڑ دا امکان ہے جڈاں جو ملک دے بئے علاقیں جنوبی وسطی پنجاب تے وسطی سندھ اچ موسم ودھ سارا تتا تے رکھا رہسی ۔محکمہ موسمیات دے مطابق گزریل 24گھنٹے دے دوران اسلام آباد،راولپنڈی، ڈی جی خان ڈویژن اتے گلگت بلتستان اچ کجھ جہیں تے تکھی ہوا دے نال مینھ وسیا ۔ساریں توں ودھ مینھ نال موسم چنگاں تھی گیا جڈاں جو ملک دے بئے علاقیں اچ موسم رکھا تے گرم رہیا ساریں توں ودھ مینھ بگروٹ اچ 12،بونجی، استور6،گلگت4، گوپس اتے چلاس اچ3 ملی میٹر ریکارڈ کیتا گیا ساریں توں ودھ درجہ حرارت دادو اچ 48 ،لاڑکانہ 47 ،سکھر اتے موہنجوداڑواچ 46 ڈگری سینٹی گریڈ ریکارڈ کیتا گیا۔