امریکا عرب تے اسلامی ملکاں دے نصف روزہ اجلاس دے فارمیٹ اتے پورے ایجنڈے دی رو نال اجلاس دے موقع تے سائیڈ لائن ملاقاتاں دی گنجائش کائنی،ترجمان دفترخارجہ

اسلام آباد ۔ 20 مئی (اے پی پی) دفترخارجہ دے ترجمان آکھیا جو ریاض اچ امریکا عرب تے اسلامی ملکاں دے نصف روزہ اجلاس دے فارمیٹ اتے پورے ایجنڈے دی رو نال اجلاس دے موقع تے سائیڈ لائن ملاقاتاں دی گنجائش کائنی۔ہفتہ کوں جاری بیان اچ ترجمان دفتر خارجہ ریاض اچ امریکا عرب تے اسلامی ملکاں دے نصف روزہ اجلاس جئیں اچ اسلامی دنیا دے 35توں ودھ رہنمائواں اتے عرب لیگ تے خلیج تعاون کونسل دے سیکرٹری جنرلز دی شرکت متوقع اے،دے موقع تے وزیراعظم محمد نواز شریف دی ڈو پاسہ ملاقاتاں بارے ذرائع ابلاغ اچ آونڑ آلی رپورٹاں بارے آکھیا گئیا جو اجلاس دے فارمیٹ اتے پورے ایجنڈے دی رو نال ایجھی ملاقاتاں دی گنجائش کائنی۔