اسلام آباد ۔ 10 مئی (اے پی پی) وزیر مملکت برائے اطلاعات، نشریات و قومی ورثہ مریم اورنگزیب آکھے جو جدید دور دے تقاضیاں دے مطابق انسانی وسائل دی ترقی کو ںیقینی بنڑاونڑ کیتے وفاقی اتے صوبائی حکومتاں معیاری تعلیم دے فروغ کوں ترجیح ڈیندیاں پن ۔ پاکستان دنیا اچ آپنڑاںمثبت تشخص اجاگر کرینداپئے ۔ ملک دی ترقی کیتے معیشیت اُتے بنیاد رکھیندی تعلیم بہوں لازمی ہے ۔ پاکستان ٹیلی ویژن تعلیم ، انسانی وسائل دی ترقی اتے بالیں بارے چینل کوں بہوں تکھے شروع کریسی ، سارے چینل پاکستان دا مثبت تشخص اجاگر کرن ۔ انہاں اے گالہیں بدھ کوںاتھاں ایجوکیشن ایکسپو نال خطاب کریندے ہوئیں آکھیاں ۔ وزیر مملکت آکھیا جو انسانی وسائل دی ترقی کیتے تعلیمی شعبے اچ سرمایہ کاری کیتی ویندی پئی ہے جیندے نال ملک اچ علم تے بنیاد رکھنڑآلی معیشت کوں ودھارا ملسی ۔ انہاں آکھیاجو حکومت پنجاب نصاب کوں ڈیجیٹلائزڈ بنڑاونڑاچ ہک واحد سنگ میل طے کیتے اتے ہنڑ طلبائ، اساتذہ اتے والدین صوبے اچ آن لائن نصاب توں وی فیدہ چاء سگدے ہن ۔ بئے صوبیاں اچ ایں نظام دی تقلید کیتی کیتی ویندی پئی ہے ۔ وزیراعظم دے تعلیمی اصلاحاتی پروگرام دا ذکر کریندے ہوئیں وزیر مملکت آکھیا جو ایندے ترائے وڈے پہلوہن ، پروگرام دے تحت سرکاری سکولاں اچ پہلی واری مانٹیسوری کلاسز متعارف کروائیاں گئن ، انہاں سکولاں ا چ جدید ٹرانسپورٹ نظام شروع تھی گئے تانجو سکولاں تے کالجاں دے طلباء کوں اتے سہولت دستیاب ہووے۔ انہاں آکھیا جو اساتذہ کوں وی تربیت ڈتی ویندی پئی ہے اتے کارکردگی اُتے انہاں کوں ترقی ڈتی ویندی پئی ہے ۔ مریم اورنگزیب آکھیا جو انٹرن شپ پروگرام وزیراعظم دے یوتھ پروگرام دا اہم جزو ہے جیندے تحت سرکاری محکمیاں اچ گریجوایٹ نینگراں کوں انٹرن شپ ڈتی ویندی پئی ہے ۔ انہاں آکھیا جو پاکستان ٹیلی ویژن تعلیم ، انسانی وسائل دی ترقی اتے بالیں بارے تکھے ہن چینل کوں شروع کریسی ۔ ایں توں پہلے وزیر مملکت ایکسپو دا افتتاح کیتا اتے مختلف سٹالز دا دورہ وی کیتا۔
