بجٹ اچ صنعت تے پیداوار ڈویژن سانگے 2 ارب 73 کروڑ 72 لکھ روپے رکھیے گن

اسلام آباد ۔ 26 مئی (اے پی پی) وفاقی حکومت آندے مالی سال 2017-18دے بجٹ اچ صنعت تے پیداوار ڈویژن کیتے کل 2 ارب 73 کروڑ 72لکھ روپے دا بجٹ رکھیا ہے ۔ صنعت تے پیداوار ڈویژن دے جاری ترقیاتی منصوبیاں دے تحت حکومت 71کروڑ 30لکھ جڈاں جو نویں منصوبیاں کیتے ڈو ارب ڈو کروڑ توں ودھ دی رقم رکھی ہے ۔جمعے کوں پلاننگ کمیشن ولوں جاری کیتے گے پی ایس ڈی پی دے مطابق بوستان انڈسٹریل سٹیٹ کیتے 21کروڑ 17لکھ ‘ کوئٹہ اچ انفرانسٹرکچر انڈسٹریل اتے ٹریڈنگ سٹیٹ سانگے 12کروڑ ‘ حب انڈسٹریل سٹیٹ اچ واٹر سپلائی سکیم سانگے 11کروڑ ‘ نوشہرو فیروز اچ سبزیاں دے پروسسنگ سینٹر کیتے 32کروڑ 15لکھ ‘ چین پاکستان اقتصادی راہداری دے تحت گوادراچ ایکسپورٹ پروسسنگ زون دی ترقی کیتے ہک ارب 11کروڑ ‘ پورے پاکستان اچ (ایس ایم ای ) پروگرام دی ترقی کیتے 25کروڑ تے سیالکوٹ اچ سپورٹس پروگرام دی ترقی کیتے 28 کروڑ روپے سمیت مختلف ترقیاتی منصوبیں سانگے فنڈ رکھیے گے ہن ۔