اسلام آباد ۔ 9 مئی (اے پی پی) پاکستان مسلم لیگ (ن)آکھیا ہے جو تحریک انصاف سیاسی سرگرمیاں سانگے باہرلے ملک توں فنڈکٹھے کر تے ملکی قنون دی خلاف ورزی کیتی ہے ،اساں دے اخبارات دے تراشے کائنی بلکہ ثبوت ہن ،ایں کیس سانگے کہیں کمیشن یا جے آئی ٹی دی ضرورت کائناں تھیسی تے عمران خان سپریم کورٹ اچ مجرم ثابت تھیسن ۔منگل کوں اتھاں صحافیاں نال گالھ مہاڑ کریندے ہوئیں مسلم لیگ ن دے رہنما حنیف عباسی آکھیا جو تحریک انصاف اپنڑے مالی امور بارے پاکستانی عوام کوں گمراہ کریندی پئی ہے ۔انہاں آکھیا جو عمران خان فلڈ ریلیف دے ناں تے ارباں روپے کٹھے کیتے ہن ،عمران خان اپنڑی دولت دے ذرائع بارے عوام کوں ڈساونڑاں ہوسی ۔حنیف عباسی آکھیا جو عمران خان دی کرپشن بارے ساری تفصیل ڈسا ڈیسن ایں کیس سانگے کہیں کمیشن یا جے آئی ٹی دی ضرورت کائناں تھیسی ۔انہاں آکھیا جو ہک ایجھا بندہ جیرھا جواری تے ٹیکس چور ہووے تے فارن فنڈنگ دے ذریعے پارٹی سانگے یہودیاں تے ہندواں دا پیسہ کٹھا کریندا پے او ملک دی قیادت کوں سانبھنڑ سانگے کیویں اہل تھی سگدا ہے ۔
