پاکستان دا شمار ہنڑ تکھے ترقی کرنڑ آلیاں معیشتاں اچ تھیندا ہے،اقتصادی اشاریں اچ چنگائی دا اعتراف بین الاقوامی مالیاتی ریٹنگ ادارے کریندے پن
اسلام آباد ۔ 19 مئی (اے پی پی) وزیر اعظم محمد نوازشریف آکھیا ہے جوپاکستان دے اقتصادی اشاریں اچ چنگی بہتری تھی ہے جیں دا اعتراف بین الاقوامی مالیاتی ریٹنگ ادارے وی کریندے پے ہن ، پاکستان دا شمار ہنڑ تکھے ترقی کرنڑ آلیاں معیشتاں اچ تھیندا ہے ، وفاقی اتے صوبائی حکومتاں تے ملک دی ترقی سانگے کم کریندیاں پن،سی پیک دے منصوبے تے تکھا کم جاری ہے ،ترقی دا عمل سیاست دی نذر نی ہوونڑاں چاہیدا ،پاکستان دی خوشحالی ہر ہک دی ترجیح ہے ۔انہاں ان خیالاں دا اظہار جمعے کوں قومی اقتصادی کونسل دے اجلاس دی صدارت کریندے ہوئیں کیتا ۔اجلاس اچ وزیراعظم آزاد کشمیر ، گورنر کے پی کے، پنجاب سندھ ، کے پی کے ، بلوچستان دے وزیر اعلیٰ ، وفاقی تے صوبائی وزیر وزیر اعلیٰ گلگت بلتستان وی موجود ہن ۔ وزیر اعظم آکھیا جو5.28فیصد دی شرح نمو قابل تعریف ہے، وفاقی اتے صوبائی حکومتاں ملک دی ترقی سانگے ہم آہنگی نال کم کریندیاں پن ۔ انہاں ڈسایا جو چین اچ بیلٹ اینڈ روڈ فورم دے دوران سارے وزیر اعلیٰ انہاں دے نال ہن تے دنیا ڈٹھا ہے جو ترقی سانگے پاکستان اچ اتفاق رائے ہے تے اے چنگاں پیغا م ہے جو اساں ہک مٹھ ہوں ۔وزیراعظم آکھیا جو اساں توانائی دے منصوبہ جات توجہ ڈتی ہوئی ہے نہ صرف بجلی دی فراہمی اساڈی ترجیح ہے بلکہ اساں صارفین سانگے سستی بجلی فراہم کریندے پیوں ۔انہاں آکھیا جو اساں ایل این جی ، کوئلہ ، ہائیڈل ، سولر اتے ونڈسمیت توانائی دے مختلف ذرائع بروئے کارلاونڑ تے توجہ ڈیندے پیوں ۔وزیراعظم آکھیا جو بنیادی ڈھانچے دی ترقی دی کلید ہے اتے اساں سڑکاں تے مواصلاتی نیٹ ورک تے توجہ ڈیندے پیوں۔انہاں ایں امر تے زور ڈتا جو صحت ، تعلیم اتے بے سماجی شعبے دے دیہی ترقیاتی منصوبہ جات کوں خصوصی توجہ ڈتی ونجے ۔
