اسلام آباد ۔ 17 مئی (اے پی پی) وفاقی وزیر انسانی حقوق سینیٹر کامران مائیکل آکھیا ہے جو آئین پاکستان ملک اچ وسنڑ آلے سارے شہریاں کوں بلاتفریق سارے حقوق دی ضمانت ڈیندا ہے ایں سلسلے اچ وزارت انسانی حقوق ،تریمت ،بالاں تے اقلیت دے حقوق دی ویلھے نال فراہمی سانگے مجوزہ قنون بنڑیندی پئی ہے تے ایں ضمن اچ سارے صوبیں کوں نال گھن تے مطلوبہ اہداف پورے کرنڑ سانگے کم تھیندا پیا ہے ۔بدھ کوں ہک بیان اچ وفاقی وزیر آکھیا جو موجودہ حکومت وزیراعظم نواز شریف دے وژن دے مطابق ترجیحی بنیاداں تے مذہبی ہم آہنگی دے ودھارے سمیت انسانی حقوق تے سانگے جامع قنون بنڑایا تے ایندے تے عمل در آمد وی کیتا ویندا پیا ہے
