اﷲ تعالیٰ اساکوں ہک خاص ڈسپلن دا پابند بنڑا تے اساڈی تربیت کرنڑ چاہندا ہے ،ایں تربیت دا بنیادی مقصد اے ہے جو اساں خود کوں اللہ دی رضا دے حصول سانگے تیار کروں
اسلام آباد ۔ 25 مئی (اے پی پی) تریمت اول بیگم محمودہ ممنون حسین آکھیا ہے جو اﷲ تعالیٰ اساکوں ہک خاص ڈسپلن دا پابند بنڑا تے اساڈی تربیت کرنڑ چاہندا ہے ،ایں تربیت دا بنیادی مقصد اے ہے جو اساں خود کوں اللہ دی رضا دے حصول سانگے تیار کروں ۔اے گالھ انہاں خمیس کوں ایوان صدر اچ اسلام آباد یاں بالڑیاں توں خطاب کریندے ہوئیں آکھی ۔بیگم محمودہ ممنون حسین آکھیا جو اﷲ تعالیٰ دا لکھ شکر ہے جو اساں دی زندگی اچ ہک واری ولا رمضان شریف دی بابرکت ساعتان آندیاں پیاں ہن ۔اللہ سئیں اساکوں ایں مقدس دے دوران ودھ توں ودھ تلقین کریندے ہوئیں آکھیا ہے جو ایندا بہترین طریقہ اے ہے جو اساں رمضان شریف دی فیوض برکات حاصل کرنڑسانگے خود کوں تیار کروں ایں گالھ دا عزم کروں جو رمضان شریف اچ اللہ سئیں تے ایندے رسول صلی اللہ علیہ وآلہ وسلم دے احکامات دے مطابق گزاروں۔ بیگم محمودہ ممنون حسین اپنڑے خطاب اچ آیات قرآنی اتے احادیث دے حوالے ڈے تے آکھیا ہے جو اساں ایجھا طرز عمل اختیار کروں جیں نال خلق خدا کوں سوکھ میسر آوے تے انہاں کوںاساڈی ذات نال کوئی ڈکھ نہ پجے۔
