وفاقی دارالحکومت اسلام آباد اتے راولپنڈی دے عازمین حج سانگے حج 2017 تربیتی پروگرام دا آغازتھی گیا
اسلام آباد ۔ 24 مئی (اے پی پی) وفاقی دارالحکومت اسلام آباد اتے جاڑے شہر راولپنڈی دے عازمین حج سانگے حج 2017ءتربیتی پروگرام دا آغاز تھی گیا ہے۔ حج پروازاں تئیں تربیتی پروگرام مقررہ تربیتی مرکز اچ جاری رہسن جڈاں جو وفاقی وزیر مذہبی امور سردار محمد یوسف سارے عازمین حج توں اپیل کیتی ہے جو او حج دے موقع تے اﷲتے رسول دی اطاعت اتے سعودی قوانین دی پابندی کوں یقینی بنڑاون ۔ تریمت حج دے موقع تے ڈو برکے نال گھن ونجنڑ سمیت پر دے دا خاص خیال رکھن ۔ توقع ہے جو حج 2017گزریل ترائے سال توں چنگاں ہوسی ۔ بدھ کوں فیصل مسجد اسلام آباد اچ راولپنڈی/اسلام آباد اچ حج تربیتی پروگرام دی افتتاحی تقریب توں خطاب کریندے ہوئیں انہاں آکھیا جو حج بیت اﷲ دی سعادت حاصل کرنڑ آلے خوش نصیب پاکستانی حج دیاں تیاریاں اچ مصروف ہن۔
