دفتر خارجہ دے ترجمان محمدنفیس زکریادی ہفتہ وار پریس بریفنگ

اسلام آباد۔ 25 مئی (اے پی پی) دفتر خارجہ دے ترجمان آکھیا جو سعودی عرب دی قیادت اچ اسلامی ملکاں دے فوجی اتحاد اچ رلنڑ دا حتمی فیصلہ ٹی اور آرز بنڑنڑ دے بعد ای کیتا ویسی۔بھارت دے کلبھوشن یادیو اتے عالمی عدالت انصاف بارے دعوے غلط ہن ،بھارت مقبوضہ کشمیر اچ بھارتی ظلم توں عالمی برادری دی نظراں ہٹاونڑ سانگے ایل او سی تے تناﺅ اچ ودھارا کریندا پئے ،پاک افغان سرحد تے سانجھا سروے پور ا کر گھد اگئے جڈانجو ڈوہیں ملکاں دے حکام دی فلیگ میٹنگ جاری اے،میٹنگ دے بعد ای باب دوستی کھولنڑ دا فیصلہ کیتا ویسی۔وقت دی گھٹکی پاروں 30ملکاں دے رہنماءاسلامی اجلاس توں خطاب کائنی کر سگےے۔خمیس کوں ہفتہ وار پریس بریفنگ وچال ہک سوال دے جواب اچ دفتر خارجہ دے ترجمان محمدنفیس زکریا آکھیا جو اسلامی ملکاں دے فوجی اتحاد اچ اسادی پوزیشن نشابر اے۔انہاں آکھیا جو سعودی قیادت اچ اسلامی ملکاں دے فوجی اتحاد اچ شمولےت دا اخیری فیصلہ ٹی او آرز بنڑنڑ دے بعد ای کیتا ویسی ۔پاکستان دا ے اصولی موقف اے جو او دنیا اچ دہشت گردی دے خاتمے سانگے کیتی ونجنڑ آلی کوششاں دی حماےت کریندے ،آپنڑے ایں اصولی موقف دی بنیاد تے جڈاں سعودی عرب اعلان کیتا تاں خطہ اچ دہشت دے خاتمے سانگے اجتماعی کوششاں شروع کریندا پئے۔پاکستان ایں دا خیر مقدم کریندیں ہوئیں آکھیا ہئی جو او سعودی عرب دی انہاں کوششاں کوں کامیاب بنڑاونڑ سانگے ہر ممکن تعاون کریسی۔