دفتر خارجہ دے ترجمان محمد نفیس ذکریا دی ہفتہ وار پریس بریفنگ

اسلام آباد ۔ 18 مئی (اے پی پی)ترجمان دفتر خارجہ آکھیا جو پاک افغان سرحد دے نیڑے کجھ دیہات دا مشترکہ سروے پوراکر گھدا گئے اتے ایں اے نتائج دی روشنی اچ سرحد کھولنڑ دافیصلہ کیتا گئے ،بھارت دا تکھے اگوں ودھدا ہوئیا جوہری پروگرام جنوبی ایشیاء اچ اسٹریٹجک پلان اتے پاکستان دی قومی سلامتی سانگے خطرہ اے ،علاج دی غرض نال بھارت ونجنڑ آلے ہر میڈیکل ویزا سانگے مشیر خارجہ دے سفارشی خط بارے بھارتی اقدام مضحکہ خیز اے۔بھارت مقبوضہ کشمیر اچ آبادی دا تناسب بدلنڑ دی کوشش کریندا پئے ،ریٹائرڈ بھارتی فوجی اہلکاراں اتے ہندواں کوں مقبوضہ کشمیر اچ زمیناں دی الاٹمنٹ سلامتی کونسل سلامتی کونسل دی قرارداداں سی سنگین خلاف ورزی اے،افغان مسئلہ دا فوجی حل ممکن کائنی،صرف گالھ مہاڑ نال ای پائیدار امن قائم تھی سگدے۔عالمی عدالت انصاف کوں بھارتی را ایجنٹ دے کیس دی سماعت دا کوئی اختیار کائنی،امریکہ ولوں ودھیکی فوج بھیجنڑ دا مقصد افغان سکیورٹی فورسز دی صلاحیتا ں اتے فوجی تربیت اچ ودھارا اے۔اے گالھ دفتر خارجہ دے ترجمان محمد نفیس زکریا خمیس کوں ہفتہ وار پریس بریفنگ وچال صحافیاں د ے مختلف سوالاں دے جواب ڈیندیں ہوئیں آکھی۔