اسلام آباد ۔ 05 مئی (اے پی پی) وفاقی وزیر ریلوے خواجہ سعد رفیق آکھے جو سول ملٹری تعلقات اچ مسلسل بہتری آندی پئی ہے ، جیہڑی جو ہک چنگی گالھ ہے ، ملک اچ کجھ عناصر اداریاں کوں آپس اچ لڑاونڑاں چاہندے ہن ، جیہڑا جو اسٹیبلشمنٹ اتے سول حکومت وچال تعلقات کوں وگاڑنڑ دی کوشش اچ لگے راہندے ہن ، جڈانجو او آپنڑیں انہاں مقاصد اچ کامیاب بالکل کائناں تھیسن ۔ اے گالہیں انہاں جمعے دے دینھ ہک نجی ٹی وی چینل نال گالھ مہاڑ اچ آکھیاں ۔ انہاں آکھیا جو پاکستان دی موجودہ عسکری قیادت اتے او جیہڑے ریٹائر تھی گئے ہن او سارے پاکستان اچ جمہوریت دی بقا چاہندے ہن ۔ ہک سوال دے جواب اچ انہاں آکھیا جو سول ملٹری تعلقات بہون چنگے ہن اتے انہاں تعلقات اچ صرف ہک ٹویٹ دراڑ دا وجہ نہیں بنڑ سگدا، اتے جتھاں تئیں میڈے علم اچ ہے اتے معاملہ حل وی تھی ویسی ۔ہک بئے سوال دے جواب اچ انہاں آکھیا جو الیکشن دا سال ہمیشہ ہی اوکھا ہوندے جڈانجو اساڈے سارے دے سارے ترقیاتی تے فلاحی منصوبے آپنڑاں 70 توں 75 فیصد کم پورا کر چکے ہن اتے انشااللہ توانائی بحران کوں مکاونڑ سمیت عوام نال کیتے گئے سارے وعدے پورے کریسوں ۔ پی ٹی آئی اتے پاکستان پیپلز پارٹی شروع ڈینھ توں ہی آپ کوں ہک بئے توں وڈیاں اپوزیشن ظاہر کرنڑ اچ لگیاں ہویاں ہن ، انہاں دیاں اجوکیاں حرکتاں کوں میں اتنا سنجیدہ نہیں گھندا کیونجو حکومت اُتے بغیر کہیں وجہ دے اتے بے جا تنقید اپوزیشن دا کم ہوندے ۔
