دہشت گردی علاقائی امن تے ترقی سانگے ساریں توں وڈا خطرہ ہے،ایندے نال نبڑنڑ سانگے سانجھی حکمت عملی اپناونڑیں ہوسی
اسلام آباد ۔ 10 مئی (اے پی پی) سپیکرقومی اسمبلی سردار ایاز صادق آکھیا ہے جو دہشت گردی علاقائی امن تے ترقی سانگے ساریں توں وڈا خطرہ ہے،ایندے نال نبڑنڑ سانگے سانجھی حکمت عملی اپناونڑیں ہوسی۔انہاں خیالاں دااظہار انہاں بدھ کوں پارلیمنٹ ہاﺅس اچ کویت تے تیونس دے سفیراں نال انجھ انجھ ملاقات اچ کیتا ۔انہاں ملاقاتاں اچ ڈو پاسے تعلقات اتے علاقائی تعاون کوں چنگاں بنڑاونڑ سانگے گالھ مہاڑ کیتی گی ۔سپیکر قومی اسمبلی سردار ایاز صادق سفارت کاراں نال گالھ مہاڑ کریندے ہوئیں آکھیا جو پاکستان سارے ملکاں دے نال اپنڑے تعلقات کوں پکا تے مستحکم کرنڑ چاہندا ہے انہاں آکھیا جو پاک چین اقتصادی راہداری منصوبہ خطے دی ترقی سانگے ہک دیر تئیں منصوبہ ثابت تھیسی جیں دا فائدہ جنوبی ایشیا دے ملکاں کوں تھیسی ۔
