اسلام آباد ۔ 24 مئی (اے پی پی) مسلم لیگ (ن) دے رہنما طلال چوہدری آکھیا ہے جو شریف خاندان عدالت اچ منی ٹریل پیش کیتی ہے ہنڑ عمران خان دی منی ٹریل کتھاں ہے،عمران خان توں صرف ڈو ترائے سوالاں دا جواب منگیا گیا ہے ۔سپریم کورٹ دے باہروں میڈیا نال گالھ مہاڑ کریندے ہوئیں انہاں آکھیا جو عمران خان دے نیڑے قطری خط غلط ہے تاں ٹائی کوٹ پاتے لکھاں ڈالر دی منی لانڈرنگ کرنڑ آلا کیویں درست ہے ،ڈوجھے دی آف شور کمپنی غلط ہے تاں تساڈے پاسوں بنڑائی گی آف شور کمپنی کیویں درست ہے ۔وزیراعظم نواز شریف اپنڑے بھتریجے دے نال کاروبار نی کر سگدے تاں اساکوں ڈسایا ونجے جو عمران خان ولوں ڈوجھے لوکاں دے ناں تے اکاﺅنٹ کیوں کھلوائے گن ،انہاں آکھیا جو عمران خان توں منی ٹریل منگی تی کوڑی ٹریل کائنی ،اے جمائمہ توں گھدی گی رقم دی منی ٹریل وی نی ڈے سگدے عمران خان اپنڑے گھر دا حساب وی کائنی ڈیندے پے ۔
