ٹوپی (صوابی)۔ 25 مئی (اے پی پی) صدر مملکت ممنون حسین آکھیا جو پاک۔چین اقتصادی راہداری اتے ہک پٹی،ہک شاہراہ دے شاندار اقدامات نال نہ صرف دنیا دا چہرہ تبدیلی تھیسی جڈانجو سیاسی،اقتصادی اتے ثقافتی سطحاں تے نشابر تبدیلی امسی اتے ایں نال پورے خطے کوں وی فائدہ تھیسی۔انہاں اے گالھیں خمیس کوں اتھاں ٹوپی اچ غلام اسحاق خان انسٹی ٹیوٹ آف انجینئرنگ، سائنسز اینڈ ٹیکنالوجیز دے 21 ویں کانووکیشن توں خطاب کریندیں ہوئیں آکھی۔۔ گورنر خیبرپختونخوا اقبال ظفر جھگڑا، ریکٹر جی آئی دے جہانگیر بشار، سینئر حکام اتے طالب علماں دے والدین دی وڈی تعداد ایں موقع تے موجود ہئی۔صدرآکھیا جو سی پیک اللہ سئیں ولوں ہک وڈی نعمت اے جئیں ایں عظیم منصوبہ دی کامیاب تکمیل سانگے بھرپور کوششاں سانگے اساڈے کندھیاں تے وڈی ذمہ واری عائد کیتی اے۔انہاں خصوصی طور نینگراں تے زور ڈتا جو او سی پیک توں ودھ توں ودھ فائدہ سانگے خود کوں تیار کرن اتے امید کیتی جو او عزم،ولولہ اتے مضبوط قوت ارادی نال ایں ذمہ واری نبھیسن۔
