صدر مملکت ممنون حسین دی بینکنگ محتسب انیس الحسن موسوی نال الو داعی گالھ مہاڑ

کراچی ۔ 21 مئی (اے پی پی) صدر مملکت ممنون حسین آکھے جو عام کھاتے داراں، تاجراں اتے صنعت کاراں دے مسلیاں دے حل نال معاشرے اچ اطمینان پیدا تھیندے ، اتے ریاست اُتے لوکیں دے اعتماد اچ اضافہ تھیندے ، جیندے نال صنعتی تے تجارتی سرگرمیاں ودھ ویندیاں ہن اتے قومی معیشت مستحکم تھیندی ہے ۔ انہاں اے گالہیں بینکنگ محتسب انیس الحسن موسوی نال اتوار کوں اتھاں الو داعی ملاقات اچ آکھیاں ۔ انیس الحسن موسوی صدر مملکت کوں آپنڑیں ادارے دی کارکردگی بارے ڈسایا۔ صدر مملکت ایں موقعے تے آکھیا جو بینکنگ محتسب آپنڑیاں ذمہ داریاں انتہائی محنت اتے دیانت داری نال ادا کیتن۔ انہاں بینکنگ محتسب دے ادارے دی کارکردگی دی تعریف کیتی ۔ صدر مملکت بینکاری بارے مسلیاں دے حل اچ بینکنگ محتسب دے اقدامات دی تعریف کیتی۔